16 июндә Күгәрсен районының һабантуй яланында "Мораҙымдың моңло хазинаһы" тип исемләнгән республика кимәлендәге халыҡ ижады фестивале үтте. Унда Фатима Кәримова исемендәге халыҡ йырҙарын башҡарыусылар конкурсында "Сибай" йырын башҡарып Теләүембәт ауылынан Нәғим Ишемғолов икенсе дәрәжә, Вилдан Йомағужин исемендәге ҡурайсылар конкурсында "Тәфтиләү" һәм "Форт Перовский" көйҙәрен башҡарып Замир Харрасов өсөнсө дәрәжә дипломға, бесән сабыусылар конкурсында Руслан Фазлаев икенсе урынға лайыҡ булдылар.